CONVITE

Co obxectivo de acelerar 10 proxectos artísticos musicais, a Fundación Paideia Galiza e a Xunta de Galicia través da Axencia Galega das Industrias Culturais con fondos NextGenerationEU, impulsaron a aceleradora de proxectos musicais SONEMERXENTE. 

SONEMERXENTE é un programa de aceleración musical que consta de dúas fases: unha primeira fase de aceleración, e unha segunda fase de promoción e mercados. Na primeira fase os proxectos musicais participantes recibiron servizos de consultoría e mentorización individualizadas en diferentes áreas do negocio musical, así como na creación e gravación dun produto musical e o deseño dun plan estratéxico de lanzamento, ou plan de negocio. A segunda fase incluíu diferentes actividades como a participación en diferentes circuítos de concertos, festivais e espazos profesionais da industria musical, a nivel galego e nacional, ou o desenvolvemento de actividades de networking e speedmeetings con outros referentes do sector.